I కొరింథీ-74 16:10-12
స్థానిక సంఘానికి సలహాలు, సూచనలు, హెచ్చరికలు-3
మీరు రేడియోలో దేవుని వాక్యఅధ్యయనం వింటూ వేరే పనులు చేసుకుంటున్నారా? అది మానేసి ఏకాగ్రతతో మీ బైబిల్ పెన్ లేదా పెన్సిల్, ఒక నోట్ బుక్ దగ్గర పెట్టుకొని పరిశుధ్ధ గ్రంధపు అధ్యయనం చేయడం మంచిదని మీకు మనవి చేస్తున్నాము. ఎంత శ్రద్ధ, ఆసక్తి, ఆలోచనలతో దేవుని వాక్యమును అధ్యయనము చేస్తే అంత లోతుగా విత్తనాల్లాంటి దేవుని మాటలు మన మనసుల్లో నాటుకుంటాయి. జాగ్రత్తగా నాటుకుంటే తప్ప పంట రాదని మనకు తెలుసు, మరి దేవుని పరిశుధ్ధ వాక్యము శ్రధ్ధ లేకుండా ఎలా నాటగలము? ప్రార్ధించుకుందాం: ప్రార్థన: స్థానిక సంఘానికి సలహాలు, సూచనలు, హెచ్చరికలు అనే శీర్షికన మూడవ అధ్యయనం ఈ దినము అధ్యయనం చేస్తున్నాము.
లేఖన భాగము: 1 కొరింథీ 16:10-12. “10. తిమోతి వచ్చినయెడల అతడు మీయొద్ద నిర్భయుడై యుండునట్లు చూచుకొనుడి, నావలెనే అతడు ప్రభువు పనిచేయుచున్నాడు 11. గనుక ఎవడైన అతనిని తృణీకరింప వద్దు. నా యొద్దకు వచ్చుటకు అతనిని సమాధానముతో సాగనంపుడి; అతడు సహోదరులతో కూడ వచ్చునని యెదురు చూచుచున్నాను. 12. సహోదరుడైన అపొల్లోను గూర్చిన సంగతి ఏమనగా, అతడీ సహోదరులతో కూడ మీయొద్దకు వెళ్లవలెనని నేనతని చాల బతిమాలుకొంటిని గాని, యిప్పుడు వచ్చుటకు అతనికి ఎంతమాత్రమును మనస్సులేదు, వీలైనప్పుడతడు వచ్చును.ఈ లేఖన భాగములో అపో. పౌలు ఇద్దరు ప్రయాణము చేస్తూ లేఖనాలు బోధించే బోధకులగూర్చి ప్రస్తావిస్తూ ఉన్నారు. వీరు, తిమోతి, అపోల్లో. పౌలునకు అతిసన్నిహితుడుగా, ఆయన దగ్గర, ఆయనకు బదులుగా పౌలు పంపించే ప్రతినిధి. తన రెండవ మిషనరీ ప్రయాణములో ఆయన తిమోతిని దెర్బే అనే ఊళ్ళో కనుక్కున్నాడు. అ. కా. 16:లో ఆ సంఘటన భద్రపరచబడింది. 1. పౌలు దెర్బేకును లుస్త్రకును వచ్చెను. అక్కడ తిమోతి అను ఒక శిష్యుడుండెను. అతడు విశ్వసించిన యొక యూదురాలి కుమారుడు, అతని తండ్రి గ్రీసు దేశస్థుడు. 2. అతడు లుస్త్రలోను ఈకొనియలోను ఉన్న సహోదరులవలన మంచిపేరు పొందినవాడు. 3. అతడు తనతోకూడ బయలుదేరి రావలెనని పౌలుకోరి, అతని తండ్రి గ్రీసుదేశస్థుడని ఆ ప్రదేశములోని యూదుల కందరికి తెలియును గనుక వారినిబట్టి అతని తీసికొని సున్నతి చేయించెను. 4. వారు ఆ యా పట్టణముల ద్వారా వెళ్లుచు, యెరూషలేములోనున్న అపొస్తలులును పెద్దలును నిర్ణయించిన విధులను గైకొనుటకు వాటిని వారికి అప్పగించిరి. 5. గనుక సంఘములు విశ్వాసమందు స్థిరపడి, అనుదినము లెక్కకు విస్తరించుచుండెను.”ఈ మాటలు తిమోతి గురించిన మంచి సాక్ష్యం కదూ! పౌలు తిమోతి తనతో కొరింధు రావాలని కోరాడు. ఇదే పత్రికలో 4:17లో పౌలు తిమోతి గురించి ఇప్పటికే చెప్పాడు. “17. ఇందునిమిత్తము ప్రభువునందు నాకు ప్రియుడును నమ్మకమైన నా కుమారుడునగు తిమోతిని మీ యొద్దకు పంపియున్నాను. అతడు క్రీస్తునందు నేను నడుచుకొను విధమును, అనగా ప్రతి స్థలములోను ప్రతి సంఘములోను నేను బోధించు విధమును, మీకు జ్ఞాపకము చేయును.” పౌలునకు తిమోతి మీద గట్టి నమ్మకము ఉన్నది. ఆయన ఒక యువకుడైనప్పటికి, ఆయనలో స్థిరమైన వ్యక్తిత్వము, ఉద్దేశ్యపు నమ్మకత్వము ఉన్నాయి. తరువాత పౌలు తిమోతికి రెండు పత్రికలు వ్రాశాడు. అవి నాయకత్వము విషయములో గొప్ప ఉపదేశాలు. కాబట్టి తిమోతికి ఇవ్వవలసిన గౌరవము, మర్యాద, ఘనత ఇవ్వాలని బోధిస్తున్నాడు. ఆయన యువకుడని చిన్నచూపు చూడవద్దని హెర్చ్చరిక చేశాడు. పౌలు ప్రస్తావించిన రెండవ బోధకుడు అపోల్లో. ఈయన తన వాక్చాతుర్యానికి పెట్టింది పేరు. ఆయన శక్తివంతమైన బోధకుడు. కాని అదే సమయములో కొరింధు సంఘములో గుంపులు పార్టీలు ఏర్పడడానికి ఈయన ఒక కారణము. ఈ విషయం 1 కొరింథీ పత్రికలోని మొదటి అధ్యాయాల్లో చూశాము. అపోల్లో గురించి మొదటిసారి ఎఫెసీ పట్టణము సందర్భములో వ్రాయబడింది. ఈ విషయం అ. కా. 18:24-28లో వ్రాయబడింది. “24.అలెక్సంద్రియవాడైన అపొల్లో అను ఒక యూదుడు ఎఫెసునకు వచ్చెను. అతడు విద్వాంసుడును లేఖనముల యందు ప్రవీణుడునై యుండెను. 25. అతడు ప్రభువు మార్గము విషయమై ఉపదేశము పొంది తన ఆత్మయందు తీవ్రపడి, యోహాను బాప్తిస్మముమాత్రమే తెలిసికొనిన వాడైనను, యేసును గూర్చిన సంగతులు వివరముగా చెప్పి, 26. ప్రిస్కిల్ల అకులయు విని, అతని చేర్చుకొని దేవునిమార్గము మరి పూర్తిగా అతనికి విశదపరచిరి. 27. తరువాత అతడు అకయకు పోదలచినప్పుడు అతనిని చేర్చుకొనవలెనని సహోదరులు ప్రోత్సాహపరచుచు అక్కడి శిష్యులకు వ్రాసిరి. అతడక్కడికి వచ్చి కృపచేత విశ్వసించినవారికి చాల సహాయము చేసెను. 28. యేసే క్రీస్తు అని లేఖనములద్వారా అతడు దృష్టాంతపరచి, యూదుల వాదమును బహిరంగముగాను గట్టిగాను ఖండించుచు వచ్చెను. క్రీస్తుకు పూర్వo 300 ఏళ్ళకు ముందు ఐగుప్తు లోని అలెక్సాండ్రియా ఉండేది. ఆ పట్టణములో అపోల్లో జన్మించాడు. కాని అతడు ఆసియా ప్రాంతానికి వచ్చాడు. అక్కడి సహోదరులు ఆయనను బలపరచారు. ఆకుల ప్రిస్కిల్లలు ఆయనకు చాలా బోధించారు. అపోల్లో బలమైన బోధకుడుగా ఎదిగాడు, తప్పక వినాలని అనిపించే ప్రసంగీకుడు. ఈయన తన ప్రణాళికలు, తలంపులు మార్చుకొని కొరింధునకు వెళ్లాలని పౌలు ఎంత బతిమాలినా, అందుకు ఒప్పుకోలేదు. తనకు వీలైనప్పుడు వెళ్తానని మొరాయించాడు. పౌలు ఈ ఇద్దరు బోధకులను, తన సహచరులను చాలా గాఢంగా సిఫారసు చేశాడు. ఈలాంటి నమ్మకమైన బోధకులను వారి నమ్మకమైన బోధ, పరిచర్యను బట్టి, వారిని ఆహ్వానించి, వారి విషయ ములో శ్రధ్ధ చూపి, వారిని గౌరవించి ఘనపరచాలి. ఈ విషయాలు ఈనాడు మనకు కూడా మంచి హితబోధ అని మనము గ్రహించాలి. మీ స్థానిక సంఘాల్లో, దేవుని వాక్యమును నమ్మకముగా బోధించి, దాని ప్రకారం జీవించే బోధకులను, పాస్టర్లను ఈ విధంగా ఆహ్వానించాలి. గలతీ పత్రిక 6:6లో లేఖనమేమి ఆజ్ఞాపిస్తుందో గమనించారా? “6. వాక్యోపదేశము పొందువాడు ఉపదేశించువానికి మంచి పధార్ధము లన్నిటిలో భాగమియ్యవలెను.” మీరు ఎక్కడ దేవుని వాక్యము వలన మేలు, ఉపదేశము, ఉపశమనం, హెచ్చరిక పొందారో, ఆ వాక్యబోధకునికి మీకు ప్రభువిచ్చిన వాటిలోనుండి కానుక ఇవ్వడం దేవుని ఆజ్ఞ. కాని, ఎవరు దేవుని నిజమైన వాక్యబోధకులో, ఎవరు అబద్ధమైన బోధకులో జాగ్రత్తా గ్రహించాలి. పరీక్ష లేఖనములలో ఉన్నది.
మత్తయి. 7:15నుండి
“15. అబద్ధ ప్రవక్తలనుగూర్చి జాగ్రత్తపడుడి. వారు గొఱ్ఱెల చర్మములు వేసికొని మీయొద్దకు వత్తురు కాని లోపల వారు క్రూరమైన తోడేళ్లు. 16. వారి ఫలములవలన మీరు వారిని తెలిసికొందురు. ముండ్లపొదలలో ద్రాక్ష పండ్లనైనను, పల్లేరుచెట్లను అంజూరపు పండ్లనైనను కోయుదురా? 17. ఆలాగుననే ప్రతి మంచి చెట్టు మంచి ఫలములు ఫలించును, పనికిమాలిన చెట్టు, కానిఫలములు ఫలించును. 18. మంచి చెట్టు కానిఫలములు ఫలింపనేరదు, పనికిమాలిన చెట్టు మంచి ఫలములు ఫలింపనేరదు. 19. మంచి ఫలములు ఫలింపని ప్రతిచెట్టు నరకబడి అగ్నిలో వేయబడును. 20. కాబట్టి మీరు వారి ఫలములవలన వారిని తెలిసికొందురు.” చెట్టు అనగా ఒక వ్యక్తి. ఫలము అనగా ప్రవర్తన, జీవిత విధానము. ఏ చెట్టు ఆ పళ్ళు ఎలా ఇస్తుందో, అలాగే వ్యక్తి నీతిమంతుడైతే, ప్రభువుతో నడుస్తున్న వ్యక్తి అయితే, ఆ వెలుగును ఆ ప్రవర్తనను తన జీవితములో మనము గమనించవచ్చు.
నిజమైన మనశ్శాంతి కావాలా? ప్రస్తుతం సమాజంలో అన్నింటి కంటే కొరతగా ఉన్నది శాంతి, సమాధానం అంటే మీరు ఒప్పుకుంటారా? ఆహారం కొరత అనుకుంటూనే ...
No comments:
Post a Comment